ილიას სახელმწიფო უნივერსიტეტის ბიბლიოთეკა აცხადებს ბიბლიოთეკის ინფორმაციული ტექნოლოგიების სპეციალისტის ვაკანსიას.
ფუნქცია-მოვალეობები:
- სტუდენტებისა და საუნივერსიტეტო საზოგადოების დახმარება ასლის გადამღები ცენტრების მომსახურების საჭიროებისას;
- საბიბლიოთეკო მომსახურების უზრუნველყოფა მკითხველის ინდივიდუალური ინფორმაციული საჭიროებებიდან გამომდინარე;
- მკითხველისთვის კეთილგანწყობილი და სამუშაო ატმოსფეროს შექმნა;
- ბიბლიოთეკის საინფორმაციო რესურსების მოძიებაში მკითხველებისთვის კონსულტაციის გაწევა და დახმარება;
- მკითხველისთვის სასურველი მასალის მოძიების ალტერნატიული გზებისა და საშუალებების შეთავაზება;
- მკითხველისთვის სხვადასხვა წყაროდან ინფორმაციის მოძიების ეფექტური გზებისა და საშუალებების განსაზღვრა.
მინიმალური საკვალიფიკაციო მოთხოვნები:
- ეფექტური კომუნიკაციის უნარი
- ინფორმაციის დახარისხების უნარი
- ინტერნეტში ძიების უნარი
- ქართულ ენაზე გამართული წერისა და მეტყველების უნარი
- ინგლისური ენის ცოდნა (არანაკლებ B2 დონისა)
- კომპიუტერული პროგრამების ცოდნა: MS Word, Excel, PowerPoint, Google სერვისები
პიროვნული უნარ-ჩვევები:
- ორგანიზებულობა და პუნქტუალურობა
- დიდი პასუხისმგებლობის გრძნობა
- მოტივირებულობა
- პრობლემების გადაჭრის უნარი
- დამოუკიდებლად და გუნდურად მუშაობის უნარი
დაინტერესებულმა კანდიდატებმა გთხოვთ, გამოგზავნეთ CV, სამოტივაციო წერილი და განათლების დამადასტურებელი დოკუმენტის ასლი მისამართზე vacancy@iliauni.edu.ge 2023 წლის 10-დან 15 თებერვლის ჩათვლით.
“subject” ველში აუცილებლად მიუთითეთ პოზიციის დასახელება და წერილს ყველა დოკუმენტი დაურთეთ ერთ ფაილად აკინძული PDF ფორმატში.
კონკურსის პირველ ეტაპზე შერჩეულ კანდიდატებს დავუკავშირდებით სატელეფონო ან/და ელექტრონული ფოსტის საშუალებით. შერჩევა წარიმართება ორ ეტაპად: წარმოდგენილი დოკუმენტების განხილვა და შემდგომ გასაუბრება.
თქვენ მიერ ვაკანსიის ფარგლებში ჩვენთვის რეზიუმეს ან/და პერსონალური მონაცემების შემცველი სხვა დოკუმენტის წარდგენით აცხადებთ თანხმობას შერჩევის პროცესში დაწესებულების მიერ თქვენი პერსონალური მონაცემების ფლობასა და დამუშავებაზე „პერსონალურ მონაცემთა დაცვის შესახებ“ საქართველოს კანონის შესაბამისად.
კონკურსის შედეგების საფუძველზე არჩეული კანდიდატი დასაქმდება 3-თვიანი გამოსაცდელი ვადით და ხელშეკრულების გაფორმების დროისათვის ვალდებული იქნება წარმოადგინოს ასევე:
ცნობა სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ („უმაღლესი განათლების შესახებ“ საქართველოს კანონის 32-ე მუხლის მე-2 პუნქტის თანახმად, უმაღლეს საგანმანათლებლო დაწესებულებაში არ შეიძლება დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება.
2023 წელი
[wpai_display_imported_files_here]
