სადაზღვევო კომპანია “ალდაგი” დამამთავრებელი კურსის სტუდენტებს და კურსდამთავრებულებს სთავაზობს 3-თვიან არაანაზღაურებად სტაჟირებას დაზღვევისა და გადაზღვევის განყოფილებაში.

სამუშაოს ადგილმდებარეობა: თბილისი, პუშკინის ქ. №3
შესარჩევი სტაჟიორების რაოდენობა – 3 სტაჟიორი

3-თვიანი სტაჟირების დასრულების შემდეგ, ყველაზე მაღალი შეფასების მქონე სტაჟიორი დასაქმდება ”ალდაგის”, დაზღვევისა და გადაზღვევის განყოფილებაში, დარჩენილი 2 სტაჟიორი კი მოხვდება კომპანიის სარეზერვო ბაზაში და მათი კანდიდატურები განიხილება სამომავლო ვაკანტურ პოზიციებზე.

ძირითადი მოვალეობები

• ახალი სადაზღვევო პროდუქტისათვის დოკუმენტაციის მომზადება/შემუშავება (პოლისები, განაცხადები, დაზღვევის ხელშეკრულებები, გადაზღვევის საბუთები)
• არსებული ხელშეკრულებების განახლება-მოდიფიცირება და შესაბამისი დოკუმენტაციის მომზადება/შემუშავება
• სადაზღვევო ხელშეკრულების, დანართის, პოლისის, მიღება-ჩაბარების აქტის მომზადება/მომზადების კოორდინაცია
• კლიენტთან გასაგზავნი სადაზღვევო დოკუმენტაციის მოწესრიგება და გაგზავნის უზრუნველყოფა

აუცილებელი მოთხოვნები

• უმაღლესი განათლება/დამამთავრებელი კურსის სტუდენტი იურიდიული ან ბიზნესის ადმინისტრირების მიმართულებით
• ინგლისური ენის სრულყოფილად ცოდნა, რუსული ენის ცოდნა
• საოფისე პროგრამების ცოდნა

პიროვნული უნარები

• მოწესრიგებულობა, ორგანიზებულობა და ყურადღებიანობა დეტალების მიმართ
• გამართულად წერის უნარი
• ანალიტიკური აზროვნების უნარი
•  სისხარტე
•  კომუნიკაბელურობა

მოთხოვნების შესაბამისად შერჩეული კანდიდატები მოწვეული იქნებიან შერჩევის შემდეგ ეტაპებზე:

1. ტესტირება ინგლისურ ენაში
2. გასაუბრება

დაინტერესების შემთხვევაში, გთხოვთ, თქვენი CV გამოაგზავნოთ შემდეგ ელექტრონულ მისამართზე: hr@aldagi.ge
სათაურის ველში მიუთითეთ პოზიციის დასახელება: Intern
აპლიკაციის მიღების ბოლო ვადაა: 2015 წლის 5 მაისი

[wpai_display_imported_files_here]