დაიწყო განაცხადების მიღება დოქტორანტთა მობილობის გრანტის მოსაპოვებლად. მობილობის პროგრამა ფრანგულ-ქართული უნივერსიტეტისა და შოთა რუსთაველის საქართველოს ეროვნული სამეცნიერო ფონდის მიერ ხორციელდება.
ორთვიანი სამეცნიერო სტაჟირების გრანტი განკუთვნილია საქართველოს უნივერსიტეტებში ჩარიცხული ყველა მიმართულების დოქტორანტებისთვის. პროგრამის მიზანია საფრანგეთში მოკლევადიანი კვლევითი ვიზიტების მხარდაჭერა და ქართულ-ფრანგული აკადემიური თანამშრომლობის გაძლიერება.
განაცხადების მიღების ბოლო ვადა: 22 მაისი, 2026
კანდიდატებმა უნდა წარმოადგინონ:
- კვლევითი პროექტი;
- მასპინძელი უნივერსიტეტის ან კვლევითი ინსტიტუტის მოწვევის წერილი (საფრანგეთი).
დეტალური ინფორმაცია და განაცხადის პროცედურა ხელმისაწვდომია ვებგვერდზე.
2026
