სამხრეთ კორეის სუნგკიუნკვანის უნივერსიტეტი (Sungkyunkwan University – SKKU) საბაკალავრო, სამაგისტრო და სადოქტორო პროგრამებზე სწავლით დაინტერესებულ პირებს სთავაზობს სასტიპენდიო პროგრამებს.

სტიპენდია ითვალისწინებს სწავლის გადასახადის სრულ დაფინანსებას. არ ფარავს მგზავრობისა და ცხოვრების ხარჯებს.

აკადემიური საფეხურები და ენობრივი მოთხოვნები

• ბაკალავრიატი: საბაკალავრო პროგრამები ხელმისაწვდომია როგორც კორეულ, ისე ინგლისურ ენებზე.
• მაგისტრატურა და დოქტორანტურა: დეპარტამენტების მიხედვით ენობრივი მოთხოვნები განსხვავებულია. ინგლისურენოვანმა სტუდენტებმა უნდა წარმოადგინონ კორეული ენის საბაზისო ცოდნის დამადასტურებელი დოკუმენტი. 

განაცხადის წარდგენა

• დაინტერესებულმა პირებმა განაცხადი უნდა შეავსონ ელექტრონულად.
• სააპლიკაციო დოკუმენტებთან ერთად უნდა წარმოადგინონ  საელჩოს მიერ გაცემული სარეკომენდაციო წერილი.

მნიშვნელოვანი ვადები

საბაკალავრო პროგრამები – 4-13 ნოემბერი

სამაგისტრო და სადოქტორო პროგრამები – 16-26 ნოემბერი

დოკუმენტაციის წარდგენის ბოლო ვადა: 27 ნოემბერი 

დეტალური ინფორმაცია და საკონტაქტო ელფოსტა:

ვებგვერდი: https://admission-global.skku.edu/eng/

ელფოსტა: suying@skku.edu