ილიას სახელმწიფო უნივერსიტეტი განაგრძობს მონაწილეობას შავი ზღვის აუზის პროგრამის მიერ დაფინანსებულ ტრანსნაციონალურ სამეცნიერო პროექტში EfxINNOs. პროექტი მიზნად ისახავს ინოვაციური საზღვაო ტექნოლოგიების ტრანსფერის ქსელის შექმნასა და ფუნქციონირებას შავი ზღვის აუზში, რათა ხელი შეუწყოს მდგრად „ლურჯ ეკონომიკაზე“ გადასვლას.

პროექტი განავითარებს ეკონომიკურად ეფექტურ და ტექნოლოგიურად მოწინავე პლატფორმების ახალ ქსელს, რომელიც შეაგროვებს ზღვის წყლის ქიმიურ მონაცემებს, ასევე სურათებს და ვიდეოებს შავი ზღვისა და ჩრდილოეთ ეგეოსის ზღვის საზღვაო ბიომრავალფეროვნების შესახებ.

მეოთხე ბიულეტენში (აგვისტო, 2026) გაეცნობით ინფორმაციას პროექტის ტექნიკურ, ოპერატიულ და კომუნიკაციის მიმართულებათა პროგრესის შესახებ, რაც საფუძველს უყრის ძლიერი საზღვაო მონიტორინგის ქსელის შექმნას.

ბიულეტენი იხილეთ ბმულზე.

2026