ილიას სახელმწიფო უნივერსიტეტის საბუნებისმეტყველო მეცნიერებებისა და მედიცინის ფაკულტეტის აკადემიურმა და კვლევითმა გუნდმა, მარი მურცხვალაძემ, ლევან ნინუამ, ალექსანდრე გავაშელიშვილმა, ზურაბ ჯავახიშვილმა და ეკატერინე თევდორაძემ, პარტნიორ ორგანიზაციასთან თანამშრომლობით მოამზადა და გამოაქვეყნა სამეცნიერო სტატია „წითელი ნუსხის სახეობის ბექობის არწივის (Aquila heliaca) ტრაქეისა და კლოაკის ბაქტერიული მრავალფეროვნება“.

პუბლიკაცია გამოქვეყნდა საერთაშორისო რეფერირებად ჟურნალში Frontiers in Microbiology (Impact Factor – 4.0 | Scopus CiteScore – 7.7), სექციაში Microorganisms in Vertebrate Digestive Systems.

კვლევა ბექობის არწივის მიკრობიომის მრავალფეროვნების აღწერის პირველი მცდელობაა საქართველოში. ბექობის არწივი შეტანილია საქართველოსა და საერთაშორისო წითელ ნუსხებში, ამიტომ მისი მიკრობიომის შესწავლა მნიშვნელოვანია კონსერვაციის დაგეგმვისა და ეკოსისტემების მდგრადობისთვის, ასევე ადამიანსა და გარემოზე პოტენციური საფრთხეების შეფასებისთვის.

სტატიის წასაკითხად ეწვიეთ ბმულს: https://doi.org/10.3389/fmicb.2025.1477032