სასერტიფიკატო პროგრამა „პანმუსიკუმი“ – აღმოაჩინე მუსიკის სამყარო ახლებურად

ილიას სახელმწიფო უნივერსიტეტის პიროვნული და პროფესიული განვითარების ცენტრი აცხადებს მიღებას მუსიკის სასერტიფიკატო პროგრამაზე „პანმუსიკუმი“, რომელიც ჰიბრიდული ფორმატით გაიმართება 15 ივნისიდან 2 ივლისის პერიოდში.

„პანმუსიკუმი“ ეფუძნება ილიაუნიში მუსიკის სწავლების უნიკალურ გამოცდილებას. კურსი მსმენელებს, მიუხედავად წინასწარი გამოცდილებისა, მუსიკის სამყაროს უფრო ფართოდ და სიღრმისეულად გაცნობაში დაეხმარება. თეორიული საუბრებისა და პრაქტიკული სავარჯიშოების ერთობლიობით მონაწილეები შეძლებენ ცოდნის გაღრმავებას, ესთეტიკური და ემოციური ბარიერების გადალახვასა და მუსიკის ახლებურად აღქმას.

პროგრამა მოიცავს ლექციებს მუსიკის მნიშვნელოვან ისტორიულ და აქტუალურ თემებზე, როგორებიცაა:

მუსიკა და ტექნოლოგია, პროფესორი რეზო კიკნაძე
ექსპერიმენტი და მუსიკა, პროფესორი მარინა ადამია
როგორ გავუგოთ ჯაზს / მუსიკალური პოპკულტურა, ასოცირებული პროფესორი ირინე ებრალიძე
ხელშესახები ბაროკო, ასისტენტ-პროფესორი ქეთევან შენგელია
მუსიკა ტოტალიტარიზმში, პროფესორი, მოწვეული მასწავლებელი ნანა შარიქაძე (კავკასიის უნივერსიტეტი)
ფოლკლორული და რელიგიური მუსიკა, ასოცირებული პროფესორი თამაზ გაბისონია
ვუნდერკინდი შენში, ასოცირებული პროფესორი ნინო მამრაძე

რეგისტრაციისთვის მიჰყევით ბმულს.

კურსის წარმატებით დასრულების შემდეგ გაიცემა სერტიფიკატი.

პროგრამის გრაფიკი

15 ივნისი, ორშაბათი – მუსიკა და ტექნოლოგია (ლექტორი რეზო კიკნაძე) – D407
17 ივნისი, ოთხშაბათი – ექსპერიმენტი და მუსიკა (ლექტორი მარინა ადამია) – D406
19 ივნისი, პარასკევი – როგორ გავუგოთ ჯაზს (ლექტორი ირინე ებრალიძე) – online
22 ივნისი, ორშაბათი – ხელშესახები ბაროკო (ლექტორი ქეთევან შენგელია) – D405
24 ივნისი, ოთხშაბათი – მუსიკა ტოტალიტარიზმში (ლექტორი ნანა შარიქაძე) – D406
26 ივნისი, პარასკევი – მუსიკალური პოპ-კულტურა (ლექტორი ირინე ებრალიძე) – 0nline
29 ივნისი, ორშაბათი – ფოლკლორული და რელიგიური მუსიკა (ლექტორი თამაზ გაბისონია) – D406
2 ივლისი, ოთხშაბათი – ვუნდერკინდი შენში (ლექტორი ნინო მამრაძე) – D406