საერთაშორისო ურთიერთობების სამსახური აცხადებს კონკურსს 3-თვიანი ანაზღაურებადი სტაჟირებისთვის.
სტაჟირების პროგრამა საშუალებას აძლევს სტუდენტებს ჩაერთონ უნივერსიტეტის ინტერნაციონალიზაციის პროცესში, მონაწილეობა მიიღონ გაცვლითი პროგრამების ადმინისტრირებაში, გაიუმჯობესონ ღონისძიებების მენეჯმენტის, გუნდური მუშაობისა და ინტერკულტურული კომუნიკაციის უნარები.
საკვალიფიკაციო მოთხოვნები:
- ინგლისური ენის ცოდნა მინიმუმ B2 დონეზე
- ინტერკულტურულ გარემოში მუშაობის ან სწავლის გამოცდილება
- გამართული წერილობითი და ზეპირი კომუნიკაციის უნარი როგორც ქართულ, ისე ინგლისურ ენაზე
- საქმიანობის განხორციელებისთვის საჭირო საინფორმაციო ტექნოლოგიების და პროგრამების ცოდნა
დაინტერესების შემთხვევაში, გთხოვთ, 2024 წლის 15 აპრილის ჩათვლით გამოგვიგზავნოთ შემდეგი სააპლიკაციო საბუთები მისამართზე IRO@iliauni.edu.ge:
- რეზიუმე (CV)
- ინგლისური ენის ცოდნის დამადასტურებელი საბუთი
წერილის სათაურში, გთხოვთ, მიუთითოთ სტაჟირების დასახელება. არასრულად წარმოდგენილი განაცხადი არ განიხილება.
კონკურსი ჩატარდება სამ ეტაპად: პირველ ეტაპზე შერჩევა მოხდება წარმოდგენილი საბუთების საფუძველზე; მეორე ეტაპზე შერჩეული კანდიდატები შეასრულებენ წერილობით დავალებას; ხოლო მესამე ეტაპზე ჩატარდება გასაუბრება. დავუკავშირდებით მხოლოდ მეორე ეტაპზე გადასულ კანდიდატებს.
კითხვების შემთხვევაში, გთხოვთ, მოგვწეროთ ელ-ფოსტაზე: IRO@iliauni.edu.ge
